ఫేస్ బుక్కంటా..

ఫేస్ బుక్కంటా.. ఫేక్ లుక్కంటా..

లైఫ్ టెక్కంటా.. లైక్ నొక్కంటా.. 

క్లిక్ క్లిక్ అంటూ.. మీట నొక్కంటా..

టిక్ టిక్ అంటూ.. హైడ్ N సీక్ అంటా..

టిన్ టిన్ ... టిన్ టిన్...

నాయనా.. 

ఇది మేధలోని  మరో కోణమంటా

మర్మమెరిగి మనుగడ సాగమంటా..

ప్రొఫైల్ చూసి పోరి అనుకోకంటా..

స్టేటస్ చూసి సేనగా మారిపోకంటా..

టిన్ టిన్ ... టిన్ టిన్...

అరె బాబూ..

ఇది కాపీరాయుళ్ళ కలరింగ్ కల్చరట..

కూపీరాయుళ్ళ కుట్రా కుతంత్రమట..

టిన్ టిన్ ... టిన్ టిన్...

******************************

written by BODDU MAHENDER

9.30am , 19.1.2014

ఏమిసేతురా మయ్యి...ఏమీ సేతు..

ఏమిసేతురా మయ్యి...ఏమీ సేతు..

సిన్మ లేదు..షికారు లేదు.. సిలక లాంటి చిన్నది లేదు..

బుర్రు బుర్రున తిరగడానికి, మోత పెట్టే బైకు లేదు..

ఏమి సేతురా మయ్యి...ఏమీ సేతు..

కంటి నిండ కునుకు లేదు..గడప దాటే ఛాన్సు లేదు..

ల్యాపుటాపు ముందరుంటే లైఫు , టైము ట్రాన్సు లేదు..

నేము, ఫేము వచ్చే గాని జిందగీ మొత్తం జారిపాయే..

ఏమి సేతురా మయ్యి...ఏమీ సేతు..

***********************************

written by BODDU MAHENDER

at 11:50am 3.2.2013

అంతర్జాల అనుసంధానమా....

నాలుగు గోడల మధ్య నరకంలో, 

నాలో నేనే కుమిలిపోయాను..

నన్ను ఆవరించిన ఆ చీకట్లని,

తొల్చలేక నలిగి విసిగి పోయాను..

మిణుగురు పురుగుని చూసి 

మిన్నులో తారక అనుకున్నాను..

మూరెడు తాడుతో ముల్లోకాలు,

చూడవచ్చు అనుకున్నాను..

ఊహలన్నీ రేగి ఉప్పెనై పోతుంటే,

ఆశలన్నీ విరిచి ఆయువు తీసి పోయావు..

ఓ నా అంతర్జాల అనుసంధానమా..

ఇదే నీ శక్తి సంవిదానమా...??

నా బాధలేవి నీకు పట్టవా..

ఆ విద్యుత్ విలయాన్ని అరికట్టవా..??

*************************

written by BODDU MAHENDER

at 7:30pm 18.9.2012

ప్రేమనే దోమ..

వస్తోంది వస్తోంది వయ్యారి భామ..

నాకోసం తెస్తోంది తియ్యనైన జామ..

నిన్న రాతిరే కుట్టింది నాకు, ప్రేమనే దోమ..

ఈ కన్నెదానికే కన్నేయమని, సుగుణాల సోమ..

**************************

written by ME

at 11:45am 28.7.2012

ఎంతైనా నీ ప్రేమకై ....

ముద్దంటే చేదు కాదు..

మురిపెంగా నువ్విస్తే..

మొహమాటం అడ్డు రాదు

సరసంగా దరికొస్తే..

వినేందుకు నే సదా సిద్ధం..

బెకబెకమని నువ్వు పాడేస్తే..

భరించేందుకు నా తలా సిద్ధం

టకటకమని మొట్టికాయలేస్తే..

ఎంతైనా నీ ప్రేమకై

అరుస్తున్న కప్పని..

కరుస్తున్నా చేపని..

*******************

written by ME

at 11:35pm 24.7.2012

పాప్ ర్యాప్ ఏదైనా ....

పదం కలిపి పాడుదాం

పరవశాన ఊగుదాం

పాప్ ర్యాప్ ఏదైనా

టాపు లేపి చూపుదాం

పాట పాడే తీరులోన

సాటి లేరని చాటుదాం..

***************

written by ME

at 10pm 24.7.2012

తీసేద్దాం తీసేద్దాం ప్రేమ తాట తీసేద్దాం ....

లింగు లింగు లిటుక్కు

చంగు చంగు చటుక్కు

తానేమో హైటెక్కు

నాకేమో ఫుల్ టెక్కు

మొహమాటం కటుక్కు

మోజులనీ ఫటుక్కు

ప్రేమలన్నీ పుట్టుక్కు

ఊహలన్నీ బుడుక్కు

అదీ నాయనా..!! సంగతి..

అందుకే ప్రేమిస్తే 
వెధవ మొహమాటాలన్నీ పక్కనెట్టి,

నచ్చిన పోరికి ,మెచ్చిన విధంగా ప్రేమ మ్యాటర్ చెప్పెయ్..

అప్పుడు నీతో పాటు మేము కూడా అంటాం..

తీసేద్దాం తీసేద్దాం ప్రేమ తాట తీసేద్దాం 

చేసేద్దాం చేసేద్దాం పెళ్లి పండగ చేసేద్దాం 

తీసేద్దాం తీసేద్దాం ప్రేమ తాట తీసేద్దాం 

చేసేద్దాం చేసేద్దాం పెళ్లి పండగ చేసేద్దాం
**********************
written by ME
at 12:30am 24.7.2012

మధనా...ఓ..మధనా..

మధనా...ఓ..మధనా..

వినవా నా వేదన

ప్రేమ కోసమే నా శోధన..

ప్రేయసి కోసమే నా ప్రతి సాధన..

తను లేదనే నా రోదన..

తన ఊహల్లోనే నా ప్రేమారాధన 

నువ్వైనా చూపిస్తావనే ఈ నివేదన

కాంక్షలన్నీ తీరుస్తావనే నా సంవేదన 

కనిపిస్తే చేయనా పెళ్లి ప్రతిపాదన..

కన్నె పిల్ల అయితే ఇందు వదన..

మరి

మధనా...ఓ..మధనా..

విన్నావా నా వేదన..!!

********************

written by ME

at 9:05pm 18.7.2012 

ప్రేమ తపం..

ఇది రామ జపం కాదు..

ప్రేమ తపం..

నా గుండె గిచ్చిన కొండముచ్చుపై 

నేను చూపే చిన్న కోపం 

ఇపుడు నాకు,

కొబ్బరి చిప్పల ఆశ లేదు

అరటి పళ్ల ధ్యాస లేదు 

ఎటు చూసినా 

ఆ ముచ్చే కనబడుతుంది..

ప్రతి కలలోనూ 

పెద్ద రచ్చే పెడుతుంది..

హనుమా.. నీవైనా 

ఆ కొంటె కోతిని నా ముందు నిలబెట్టు

లేదా నాకో మంచి జోడి వెతికి పెట్టు..

అంతవరకు విడువను ఈ మొండిపట్టు..

తిరగను నీ గుడి చుట్టూ.. 

*******************

written by ME

at 4:55pm 18.7.2012 

గుండు గీయిస్తా..

నెలకొకసారి వస్తా..

నున్నంగా గుండు గీయిస్తా..

పొదుపు మంత్రం పఠిస్తా..

నూనె ఖర్చు తగ్గిస్తా..

ఇదే ట్రెండ్ అని చెప్పేస్తా..

బాల్డ్ హెడ్ ని ఉద్ధరిస్తా..

బుద్ధుడి శిష్యుడనని చెప్పేస్తా..

బుద్ధిమంతుడిగా ఫోజ్ ఇస్తా..

ఏడుకొండల వాడికి మొక్కు అని చెప్తా..

ఏ వరమైనా ఫ్రీగా దోస్తా..

దువ్వెన ఎవరైనా గిఫ్ట్ గా ఇస్తే,

ఆ దుకాణమే నాదని చెప్పేస్తా..

********************

written by BODDU MAHENDER

at 11:25am 12.7.2012

ఎరక్క పోయి వచ్చాను..ప్రేమలో పడ్డాను..

ఎరక్క పోయి వచ్చాను..ప్రేమలో పడ్డాను..

*****************************

దిగితే కాని తెలియలేదు..దీని లోతు..

ప్రేమిస్తే కాని ఎరుగలేదు..అమ్మాయి పై ఎత్తు..

మధురమనుకున్నా..

మనువాడాలి అనుకున్నా..

కన్నె యెద దోచి,

కాంక్ష తెలుపాలి అనుకున్నా..

ఇప్పుడేమో..

జుట్టు పీక్కుంటున్నా..

అప్పు కడుతున్నా..

పనీ పాట వదిలేసి..

పచార్లు కొడుతున్నా..

అమ్మడి ప్రేమకై అన్నీ తాకట్టు పెట్టా..

ఆజన్మాంతం మేపుతా అని ఒట్టూ పెట్టా..

అయినా..

నన్ను బావిలో ఓ కప్పను చేసి,

వాళ్ళ బావతో పెళ్లి బాజాలు మోగించింది..

నన్ను ఇలా నీళ్ళు లేని బావిలో తోసేసి..

పితలాటకమే పెట్టేసింది..

*************************

written by BODDU MAHENDER

at 11:35pm 11.7.2012

ప్రవచనం : 1

విన్నపాలన్నీ ఆ దైవానికే

మరి ఆ దైవం మొర వినేదెవరు..?

నదుల నీళ్లన్నీ సముద్రానికే..

మరి ఆ సంద్రంతో గొంతు తడుపుకునేదెవరు..?

అందుకే..

నీళ్లిచ్చే బావిలో నీళ్ళు పొయ్యి..

పండు ఇచ్చే చెట్టుకి తోడునియ్యి..

వినరా వినరా నరుడా...

ఈ మహేంద్రుని మాట..

మణి రత్నాల మూటరా..

తాత్పర్యం :

భూగర్భ జలాలు పెంచడానికి ఇంకుడు గుంతలు తవ్వండి..

పచ్చదనం పెంచడానికి మొక్కలు నాటండి.. 

******************************

written by BODDU MAHENDER

at 7:55pm 11.7.2012

కాకా పడుతూనే ఉన్నా..

అర్చిస్తూనే ఉన్నా..

అర్ధిస్తూనే ఉన్నా..

ఆశ ఒకటైనా తీర్చమని..

ఆవేదనగా ఆలపిస్తూనే ఉన్నా..

తలుస్తూనే ఉన్నా..

తన్మయం చెందుతూనే ఉన్నా..

తరగని సిరుల గనినొకదాన్ని

తర్పణ చేయమని తలపోస్తూనే ఉన్నా..

పఠిస్తూనే ఉన్నా...

పారాయణ గావిస్తూనే ఉన్నా...

పరుగులు పెట్టే పరువానికి..

పడతి ప్రణయం జత చేయమని 

ప్రాధేయ పడుతూనే ఉన్నా..

కవిలా రాస్తూనే ఉన్నా..

కానుకలు వేస్తూనే ఉన్నా..

కవన భువన సామ్రాజ్యానికి 

కలకాలం నన్నే రాజుగా చేయమని..

కాకా పడుతూనే ఉన్నా..

*********************

written by BODDU MAHENDER

at 2:50pm 11.7.2012

టీ..

పాలు, నీళ్ళు ,చక్కెర, ఛాయపత్తి

అన్నీ కలిస్తేనే అద్భుత టీ...

బోరు,జోరు,విసుగు,తలనొప్పి

సమయమేదైనా ఉపశమింపును టీ

పొద్దున్నే మేల్కొల్పుతుంది..

సాయంత్రం హుషారు నింపుతుంది..

నేస్తాలని పలకరిస్తుంది..

నిచ్చెలిని దగ్గర చేస్తుంది..

అందుకే నేను ప్రతిరోజు తాగేది టీ..

లేదులే మరి దీనికి పోటీ..సరిసాటి 

***********************

written by BODDU MAHENDER

at 9:40am 11.7.2012 

చేయందించవే చెలిమి చేస్తా..

చేయందించవే చెలిమి చేస్తా..

నా చెలియకి తెలియకుండా నీతో షికారు చేస్తా..

దేశ విదేశాలైనా రయ్యుమని చుట్టేస్తా..

ఇంకో అందం దొరికేదాకా నీవే ప్రాణమని చెప్పేస్తా...

కలిసిరావే కోరినవన్నీ కొనిస్తా..

మోజు తీరాక మొహం మొత్తింది అని వదిలేస్తా.. 

**************************

written by BODDU MAHENDER

at 9:25am 10.7.2012

LATEST RULES OF LOVE :

ప్రేమకి మూడు సూత్రాలు..

పాటిస్తే కడతావు..

నీ ప్రేయసి మెడలో మంగళసూత్రాలు...

అమ్మాయినే చూడు..

ఆమె వెనకున్న అన్నలని చూడకు...

నీ అంతరాత్మ చెప్పిందే విను..

నీతో పాటు లైన్ వేసే ఏ పక్కోడిది వినకు..

ప్రేమా..ప్రేమా..అంటూనే మాట్లాడు..

కొట్టినా..తిట్టినా...జంప్ అవుతానని మాట్లాడకు..

******************************

written by BODDU MAHENDER

at 8:50pm 7.7.2012 

లవరు....నా లవ్ ఫ్లేవరు..

నాకూ ఉంది ఒక లవరు..

తను చాలా క్లెవరు..

తనకి చూపాలనుకున్నా నా లవ్ ఫ్లేవరు..

కాని వాళ్ళ నాన్నకి ఉందిలే పంచ్ లో పవరు..

ఆయనని చూస్తేనే నా కిందా,పైనా షివరు..

అందుకే వాళ్ళ ఇంట్లో చేరా ఆజ్ ఎ డ్రైవరు..

ఓ రోజు వచ్చింది..ఎవరూ లేని హవరు..

తనని ఎక్కించా ఓ సెల్ ఫోన్ టవరు..

చూపించా దాని పక్కనున్న మున్నేరు రివరు..

ప్రేమించమని చేతిలో పెట్టా లవ్ కవరు..

పొరపాటున అయింది అది నా ఎక్సరే లివరు..

ఏమనుకుందో ఏమో..

వెంటనే నా చెవిలో పెట్టింది ఫ్లవరు..

జన్మంతా ప్రేమించమంటూ..చేసింది నన్నో స్లేవరు..

*****************************

written by ME

at 10:40pm 5.7.2012

మీకూ నేర్పుతా....

నేనూ నేర్చుకుంటా..

గణిత గమ్మత్తులు 

చరిత్ర చమక్కులు

శాస్త్ర సంగతులు

భాషా పురోగతులు 

మీకూ నేర్పుతా..

అల్లరి ఆటలు

చిల్లరి చేష్టలు  

భక్తి ప్రపత్తులు

యుక్తి పైఎత్తులు..

*************

written by ME

at 7:12pm 5.7.2012

ఈ యూనివర్స్ కే కొత్త అందాన్ని..

మోనాలిసా రూపు నాదే..

క్లియోపాత్రా చూపు నాదే...

మోడల్ అయ్యే అందం నాదే..

మోడ్రన్ మంకీ ఛందం నాదే..

నేనే ..ఆ

రవివర్మ చిత్రానికి కాన్వాస్ ని ..

డావిన్సీ కుంచెకు పెయింట్ ని..

పికాసా గీయలేని బొమ్మని...

హుస్సేన్ మిస్సయిన భామని..

మరి..

నా వెనుకే ఓ వెయ్యిమంది..

నా మేకప్ కి అప్పిచ్చినవాళ్ళు..

నా వెంటే ఓ వెయ్యిమంది...

నా గ్లామర్ కి పిచ్చెక్కిన వాళ్ళు..

ఇక నే కానా..

ఈ యూనివర్స్ కే కొత్త అందాన్ని..

మీ హార్ట్స్ లో ప్రేమ బంధాన్ని..

********************

written by ME

at 10:30am 28.6.2012

దేవుడా ఓ FB దేవుడా