ఉగాది..

ఉగాది..

తెలుగు సాంస్కృతిక తొలి వీవెన..

తెలుగు సాంప్రదాయ తొలి భావన..

తెలుగు వత్సరాది శుభ దీవెన..

తెలుగు వత్సలుల శుభ కామన.. 

******************************

written by BODDU MAHENDER

at 4:21am 31.3.2014

అందరికీ ఉగాది పర్వదిన శుభాకాంక్షలు..

అందుకే మరి ఉగాది...

వసంతం మొదలుగ ఆరు ఋతువులు..
 వగరు మొదలుగ ఆరు రుచులు..
   వ్యక్తి జీవనగమనంలో పరిణామాలకి సూచికలుగా.. 
    వ్యక్తి జీవితవికాసంలో ప్రమాణాలకి తూనికలుగా..
                      
          అందుకే మరి ఉగాది...
            ప్రకృతితో మమేకమైన ఓ కాలగణన
            ప్రకృతితో పోల్చదగిన మన జీవిత సాధన 
********************************
written by BODDU MAHENDER
at 4:45am 31.3.2014

అందరికీ ఉగాది పర్వదిన శుభాకాంక్షలు..

హోలీ పండుగ శుభాకాంక్షలు

పూసుకుందాం..పులుముకుందాం..

పూల వర్ణాలన్నీ పాలిపోయేలా..

జంటలవుదాం..జాజిరి ఆడుదాం..

జాతి వర్ణాలన్నీ సమిసిపోయేలా..

****************************

written by BODDU MAHENDER

at 10:54am 17.3.2014

అందరికీ హోలీ పండుగ శుభాకాంక్షలు 

"స్నేహిత" పుట్టిన రోజు ఈ రోజు..

మా చిన్నమ్మ కూతురు "స్నేహిత" పుట్టిన రోజు ఈ రోజు..

ఈ సందర్భంగా నేను తయారు చేసిన గ్రీటింగ్ కార్డ్ ఇది.

May you have a day so wonderful 

that you remember it for the rest of the year, 

till yet another wonderful birthday comes along. 

A very Happy Birthday to you. 

May God Bless you abundantly

గొబ్బెమ్మలే మురవాలి..

సంక్రాంతి రావాలి 

సంతోషం తేవాలి

మా పల్లె చేలల్లో 

సిరులెన్నో పండాలి.

బసవన్న ఆడాలి

హరిదాసు పాడాలి

పల్లెంతా ఏకమై పతంగాలే ఎగరాలి.

చకినాలు నమలాలి

పాయసాలు పొంగాలి

ముత్యాల ముగ్గుల్లో గొబ్బెమ్మలే మురవాలి..

******************************

written by BODDU MAHENDER

at 7:18am 14.1.2014

ఈ నేస్తం నీకు స్వాగతం పలుకుతోంది

ఎన్నో ఆశ్చర్యాలు,.., మరెన్నో ఆహ్లాదాలు..

అపజయాల  అవరోధాలు దాటిన నీకు.... !!

******

ఆవేదనల నివేదనలు ఇక చెల్లవు

 అనుమానాలు, అవమానాలు ఇక ఉండవు

కాలం పరిచిన రాచబాటలో 

కమనీయ పర్వాల పూలబాటలో

ఈ నేస్తం నీకు స్వాగతం పలుకుతోంది

సమస్తం నీదేనని ఊరిస్తోంది ..

రా..  మరి .. సంతోషాల నిధికే  పెట్టు గురి..

*******************************

written by BODDU MAHENDER

at 9:11am, 1.1.2014

నూతన సంవత్సర శుభాకాంక్షలు

ఇంకా మిగిలింది నీ కార్యం

నేడు రేపటికి అవుతుంది గతం

అయినా గతమనే పునాదులపైనే 

నిలుస్తుంది భావి జీవితం

జరిగింది ఏమైనా 

ఇంకా మిగిలింది నీ కార్యం

కార్యసాధనలోనే చూపాలి నీ ధైర్యం

  కళనే శాసిస్తావో..కలనే దాచేస్తావో

నిర్ణయం నీదే సోదరా.. జయహో..

******************************

written by BODDU MAHENDER

at 11:12pm 31.12.1013

Bye Bye 2013

ఆ గెలుపు ఎప్పుడూ మంచిని పెంచడానికే..

పురాణాలు ఏవైనా.. కారణాలు ఎన్నున్నా..

అంతిమంగా నిలిచేది న్యాయం.. గెలిచేది ధర్మం.. 

అయోధ్య రాముడైనా.. ఆది పరాశక్తి అయినా..

ఆ గెలుపు ఎప్పుడూ 

మంచిని పెంచడానికే.. మదాన్ని తుంచడానికే..

మనిషిగా నిను ఎంచడానికే..

మానవత్వం గుర్తించడానికే..

ఈ మూలం ఎప్పుడూ మరువబోకు..

నీ ఆనవాలం విడువకబోకు..

*********************************

written by BODDU MAHENDER

at 1:22pm, 13.10.2013

అందరికీ దసరా పర్వదిన శుభాకాంక్షలు..

చల్లంగ మము కాచవే బతుకమ్మా..

ఏ యేటికాయేడు ఎదురు చూస్తుంటాం

తంగేడు పువ్వుల్లో నిన్ను చూస్తుంటాం

మా యిల వేల్పే, నువ్వని బతుకమ్మ

ముస్తాబు చేసి, మురిసిపోతుంటాం

చల్లంగ మము కాచవే బతుకమ్మా..

చక్రాంకుడ పత్ని వే బతుకమ్మా 

సత్తు ముద్దల తోడనే బతుకమ్మా

సర్వ సౌఖ్యము లీయవే బతుకమ్మా  

*****************************

written by BODDU  MAHENDER

at 6:04pm, 12.10.2013

బతుకమ్మ పండుగ శుభాకాంక్షలు 

జయహో జయహో హరికృష్ణ

అక్షరాన్ని శ్వాసిస్తావు.. అభివృద్ధిని ఆశిస్తావు..

అనామకమై పోతున్న తెలుగుని 

అందలాన ఎక్కిస్తావు..

ఆత్మీయతని చూపిస్తావు.. ఆలోచనని పెంచేస్తావు..

అణగారిన ఆంధ్రుల ఆత్మగౌరవాన్ని 

అఖిలావనికి చాటేస్తావు.

జయహో జయహో హరికృష్ణ

జయము కలిగించేదేలే నీ తృష్ణ

****************************

written by BODDU MAHENDER

at 9:30 am, 10.9.2013

తెలుగు రక్షణ వేదిక అధ్యక్షుడు శ్రీ పొట్లూరి హరికృష్ణ గారికి 

జన్మదిన శుభాకాంక్షలు.. 

ఈ ప్రశ్నలకి సమాధానమే గురువు.

అంతా అయోమయమే.. అన్నిటా అనుమానమే..

ఏదో తెలుసుకోవాలి, మరేదో కనుగొనాలి..

అది జీవ రహస్యమైనా, సృష్టి రహస్యమైనా..

సమస్య మూలాల్ని అన్వేషించాలి..

సార్ధక జీవితం అనిపించుకోవాలి.. 

ప్రాపంచిక జ్ఞానాన్ని ,  ఆధ్యాత్మిక పరిజ్ఞానాన్ని  

ప్రముఖంగా పదిలపరుచుకోవాలి.

కానీ ఎలా..?

ఎవరు ఉపదేశమిస్తారు..?

ఏ విధంగా కార్యోన్ముఖున్ని చేస్తారు ..?

ఈ ప్రశ్నలకి సమాధానమే గురువు.

నిన్ను జ్ఞానో న్న తుడిగా మార్చే కల్పతరువు. 

నల్లబల్లపై తెల్లని సుద్ద గీతలులాగానే

నీలో అజ్ఞాన అంధకారాన్ని చీలుస్తూ

వెలుగు రేఖలు ప్రసరింపజేసే  ఆదరువు.

****************************

written by BODDU MAHENDER

at 2:39am 5.9.2013

ఉపాధ్యాయ దినోత్సవ శుభాకాంక్షలు

సమాజ స్పృహ గల కథానాయకుడతను.

తన 

చూపు సమ్మోహనం 

మాట మన్మోహనం

 నటన నవనూతనం

నడత సమజీవనం

అవును...

భయం లేదు...అసలే,

బాధ్యత గల నాయకుడతను.

స్వార్ధం లేదు...నిజమే,

సమాజ స్పృహ గల కథానాయకుడతను.

ఒక్కమాటలో చెప్పాలంటే

ట్రెండ్స్ కే ట్రెండ్ సెట్ చేస్తాడు .

కామన్ మ్యాన్ కి బ్రాండ్ గా అగుపిస్తాడు.

*****************************

written by BODDU MAHENDER

at 11:01pm 1.9.2013

జన్మదిన శుభాకాంక్షలు పవర్ స్టార్ పవన్ కళ్యాణ్ గారికి. 

సప్తపదితో సాగే సహజీవనం

నీ మనసు గెలిచిన మగువ

ముంగిట్లో వధువై నిలువగా

నీ ఊహల నిలిచిన మరుడు

పందిట్లో వరుడై చేరువగా

జరిగే ఈ సంరంభం

కొత్త జీవితానికి ఆరంభం

నూరేళ్ళ కలలని 

అక్షింతలుగా పోసుకొని 

నిండైన ప్రేమలని 

మంత్రాలుగా చదువుకొని 

సప్తపదితో సాగే మీ సహజీవనం

సర్వకాల సర్వావస్థలలో

కావాలి సుఖజీవనం

*****************************

written by BODDU MAHENDER

at 1:28pm 28.8.2013

మిత్రురాలు ధనలక్ష్మీ బూర్లగడ్డ కి ఆత్మీయ శుభాకాంక్షలు తెలియజేస్తూ 

తోడ్పాటుకి చిహ్నమై ..

ఒకరికి భరోసా నిస్తూ,

మరొకరికి బాధ్యతని గుర్తు చేస్తూ

తోబుట్టువుల  మధ్యన ఉండే 

తోడ్పాటుకి చిహ్నమై నిలుస్తూ 

అండ నిచ్చే వాడి చేతికి 

కైదండగా మారింది ఈ రాఖీ.

అభయ హస్తం కోరే పడతికి

అండదండగా నిలిచింది ఈ రాఖీ.

**************************

written by BODDU MAHENDER

at 1:54am 21.8.2013

సోదర సోదరీమణులకు రాఖీ పౌర్ణమి శుభాకాంక్షలు. 

ఆ సీతారాముల శుభ సంగమం..

అనుబంధాలకి అర్ధం చెప్పి,

అన్యోన్యతకి సాక్ష్యం చూపి,

వివాహానికే విలువను పెంచి,

విశ్వ కళ్యాణానికే బాటలు వేసి,

మనకు ఇపుడు ఆరాధ్యులైన

ఆ సీతారాముల శుభ సంగమం..

తిలకించిన వారిదే హృదయంగమం.. 

*******************************

written by BODDU MAHENDER

at 1:10pm 19.4.2013

సాదరంగా ఆహ్వానిద్దామా..

అనంతమైన కాలానికి ఆది, అంతం అనుకొని

ఆశలకి, ఆశయాలకి అవధులని గీసుకొని

మంచిని కోరుకొని, మార్పుకి పూనుకొని

మనిషిని, మనసుని మధురం చేసుకొని

సాదరంగా ఆహ్వానిద్దామా.. 

మన తెలుగు లోగిళ్ళలో ఈ తొలి పండుగని

వసంత ఆగమనంలో కోయిల గొంతు గని.

***************************

written by BODDU MAHENDER

at 12:30pm 11.4.2013

ఈ వసంతం వర్ణమయం..

ఈ వసంతం వర్ణమయం..

నీ జన్మ ఆసాంతం స్వర్ణమయం..

నీ ప్రగతికి లేదు ఏ అస్తమయం..

నిను ప్రేమించే జతలో సర్వం స్వర్గమయం.. 

కావాలని ఆకాంక్షిస్తూ ఈ కవితా సుమం..

అర్పిస్తున్నా  ప్రేమతో ఈ హోలీ దినం..

*****************************

written by BODDU MAHENDER

at 2:40pm 27.3.2013

అవనిలో నీ ముద్రలనే నిలిపేట్టు..

ఆనందమే అనునిత్యం 

అమ్మ దీవెనే నీ తోడై ఉండగా..

అభ్యుదయమే ప్రతినిత్యం

నాన్న రక్షణే నీ నీడై ఉండగా..

ఇక నీ కలలకి రెక్కలు కట్టు..

ఆకాశానికే పరిధులు గీసేట్టు..

సృజనతో ప్రతి పని చేపట్టు..

అవనిలో నీ ముద్రలనే నిలిపేట్టు.. 

*****************************

written by BODDU MAHENDER

at 9:50pm 2.3.2013

సహానుభూతుల సంబంధం..

ఇప్పుడే  ముడిపడినదా ఈ  బంధం..

ఇలా చేరువైనదా తన మమతాను గంధం..

కాలాన్నే మరిపిస్తున్నది ఈ సహానుభూతుల సంబంధం..

కమ్మని కలగా అగుపిస్తున్నది సంసార గతుల్లోని ఆనందం..

అని మురిసే ఈ ముచ్చటైన జంటకి,

దశమ వార్షికోత్సవ శుభాకాంక్షలు... 

******************************

written by BODDU MAHENDER

at 3:50pm, 20.2.2013

Valentines Day..

Valentines Day..

ప్రేమా...నీ చిరునామా వెతికేందుకు..

నాకో రోజు కావాలా..

ప్రియా..నా ప్రేమ తెలిపేందుకు..

ఈ మాట చెప్పాలా..?

Love You Always… 

************************

written by BODDU MAHENDER

at 3pm 13.2.2013