నేనెంత పరాజితున్నో ..

నీ బాధ తెలుసు.. భావార్ధం తెలుసు..

ప్రేమ తెలుసు.. దాని పరమార్ధం తెలుసు..

నాకన్నీ తెలుసన్న విషయం, నీకూ తెలుసు..

నీలో నేనై గడిపానన్న విషయం, నాకూ తెలుసు..

అయినా నా మౌనం వెనుక వేదన నాకే తెలుసు..

నా మాటల మాటున దాగిన ప్రేమ నాకే తెలుసు..

నా గతం నీ భవితకు హామీ ఇవ్వలేకుంది..

నా ప్రస్థానం కాస్తయినా విరామం ఇవ్వలేనంది..

ఇప్పుడు తెలుస్తోంది..

నేనెంత పరాజితున్నో ..

నిన్ను పొందలేక నలిగిపోతున్న విరహ మోహితున్నో..

*********************************

written by BODDU MAHENDER

at 10:26am 7.11.2013

ప్రియా.. నీవైనా చెప్పు ..!!

ఈ ఊహ నిజం కాదా..!? 

నా జత నాతో రాదా..!?

ప్రేమా.. ఈ బంధం శాశ్వతం కాదా..!?

నా జీవితం తనకి అంకితం కాదా..!?

కలల గమ్యం కన్నీటి దరికే నా..?

కలతల మది కాటి చితికే  నా..? :(

ఆశల పయనం అర్ధాంతరమేనా..?

ఆత్మీయ గమనం  అడకత్తెర లోనా ..?

ప్రియా.. నీవైనా చెప్పు ..!!

నీ బాస నిజం కాదా..? నీ  ప్రేమ నాపై లేదా..?

********************************

written by BODDU MAHENDER

at 12:54pm 16.10.2013

వలపు ఆశ మొలుస్తూనే ఉంది

మనసెందుకో తపిస్తోంది

మరి మరి ఎందుకో జపిస్తోంది

మౌనమెందుకో నిలిపేస్తోంది

మది గది నెందుకో మూసేస్తోంది 

కాలం - నన్ను కాలరాసేస్తోంది 

కలలో సైతం తనను  దాచేస్తోంది

ప్రేమ - ఈ గుండెను పిండేస్తోంది

ప్రేయసి  విరహాన నను ముంచేస్తోంది

అయినా 

వలపు ఆశ మొలుస్తూనే ఉంది

వాత్సల్య  పూలు పూయిస్తూనే ఉంది 

****************************

written by BODDU MAHENDER

at 6:20pm , 8.10.2013

స్వస్తి పలికి పోయింది.

ఆశ పడాలన్నా భయమేస్తోంది

ఆ ఆలోచన చేయాలన్నా వణుకొస్తోంది

నరకం నా హృదిలో నేడు నర్తనం చేస్తోంది

నయనం ఆ రొదని పరావర్తనం చేస్తోంది.

స్వ, పర బంధాల మాయ, నేడు ముసుగు తీసింది 

స్వార్ధ చింతనలో ప్రేమ, స్వస్తి పలికి పోయింది.

*******************************

written by BODDU MAHENDER

at 11.06pm, 27.9.2013

సెలవు..

ఎంత తుడుచుకున్నా 

నీ రూపు కానరావట్లేదు 

కన్నీళ్ళ జడిలో 

ఈ బాధ తొలిగిపోవట్లేదు 

గొంతు మూసుకు పోయి 

గుండె కోసుకు పోయి 

ఆశ చచ్చి పోయి 

శ్వాస వీడిపోయి 

బాసలన్నీ అభాసుపాలయిన వేళ 

ఊసులన్నీ ఉరికొయ్యలైన వేళ  

నన్ను నేను విడిచిపోతున్నా

నిన్ను నీకు చూపి పోతున్నా..

సెలవు.. 

                      శాశ్వతంగా.. :( 

******************************

written by BODDU MAHENDER

at 11:28pm 25.5.2013

ప్రేమా.. నిను పొందే అదృష్టం, ఈ జన్మకి నాకు లేదని....

నీవనుకొని నీడను ముద్దాడుతున్నా.. 

నీ రూపనుకొని ప్రేమను వెంటాడుతున్నా..

ఆశలతోనే అనుక్షణం వేసారిపోతున్నా..

ఆవేదనలోనే నే నిండా కరిగిపోతున్నా..

నా నమ్మకం ... నువ్వొస్తావని,

నా చితి రగిలే చోట 

ఓ కన్నీటిచుక్కనయినా జారవిడుస్తావని.. 

ప్రేమా.. నిను పొందే అదృష్టం,

ఈ జన్మకి నాకు లేదని..

ఈ క్షణమే నే మరణిస్తున్నా ..,

నీ సానుభూతి అయినా నాకు మిగులుతుందని. 

****************************

written by BODDU MAHENDER

at 7:40pm 25.3.2013

తరలి వెళ్తున్నా నేస్తం..

ప్రతి మాటలో నిన్నే పోల్చానే 

ప్రతి ఒక్కరిలో నిన్నే చూసానే 

సృష్టిలో ప్రతీ స్పందన నీదైనట్టు

నా ప్రతిస్పందనలో భావసృష్టి నీకైనట్టు

కలలు తీరని కాలంలో,

కంటతడి ఆరని తీరంలో

నరకానికి నిచ్చెనలేస్తూ.. 

నవ్వుల మాటున నిజాల్ని దాస్తూ 

ఎవ్వరికీ చెప్పుకోలేక.. 

ఎడబాటుని భరించలేక..

తరలి వెళ్తున్నా నేస్తం..

తిరిగిరాని లోకాలకు..

నీ చెంత చేరే మార్గాలకు..

****************************

written by BODDU MAHENDER

at 11:18am 15.3.2013

ఫ్రేమా.. నీ అనుభవం

మనసెందుకో ఒంటరిదయ్యింది.. 

మనసున నీ ఙ్ఞాపకం చేదయ్యింది.. 

కన్నుల నీరు కాల్వ అయ్యింది... 

గుండెల్లో బాధ నిల్వ అయ్యింది. . 

ఫ్రేమా.. 

నీ అనుభవం నాకు నరకమే అయ్యింది... 

ఫ్రేమించలేని ఎదలో జీవచ్చవమైంది..

****************************

Written by boddu mahender

at 10pm 1.3.2013

దయచేసి ఇక ఆపండి

నాకేం ఉన్నాయి...ఇప్పుడు..

నాకేంటి...

అన్నీ ఉన్నాయి..అందరూ ఉన్నారు..

అనుకొని ఆనంద పడేలోపే...

నువ్వు లేవనే నిజం..వచ్చి 

నన్ను నిలువునా కోసేస్తోంది..

నా గుండెని అమాంతం మింగేస్తోంది..

అవును....నాకేం ఉన్నాయి...ఇప్పుడు..

పనికిరాని అహం...

నీతో జీవితం పంచుకోలేని నా దేహం..

ఇంతేగా....

నా ప్రగతికి ప్రేరణయిన నువ్వే...

నా పతనానికీ నాంది పలుకుతావా..

నా బ్రతుకుకి బాసట అయిన నువ్వే..

నా  బానిస వీడని హేళన చేస్తావా..

ప్రేమే లేదనుకున్న నాకు ఆశలెందుకు పెంచావు..

ప్రేమిస్తూ నీ వాడినవుతున్నప్పుడే వదిలి ఎందుకు వెళ్ళావు..

*************************************

written by BODDU MAHENDER

at 11:35pm 6.1.2013

నీ గుండె కరగదా..

ఎప్పటికింక నాకు అర్ధమవుతావ్..

ఏ జన్మలో నువ్వు నా తోడువవుతావ్..

మనసారా ప్రేమను మాటెప్పుడు చెపుతావ్..

నీ యెదలో నాకు చోటెప్పుడు చూపుతావ్..

చెలీ..సఖీ అని నేను మురిసిపోవడమేనా..

ఊహల ఊసుల్లో వేసారిపోవడమేనా..

నీ గుండె కరగదా..నా ప్రేమని ఎరగదా..?

****************************

written by BODDU MAHENDER

at 11:46pm 3.1.2013

భాష లేదు ఆ సంతోషానికి..

ఆలోచనలని  ఆవిష్కరించే

అక్షరాలు ఉన్నాయేమో గాని,

అనుభూతులని వ్యక్తీకరించే 

సాధనాలే  లేవు..ఉన్నా  సంపూర్తి  కాదు..

మనసెపుడూ  మనకో పజిల్..

మాటలెపుడూ కావులే, దానికి సింబల్..

భాష లేదు ఆ సంతోషానికి..

భావం సరిపోదు దాని విషాదానికి..

కన్నులు పలికినా, 

దాన్ని కాంచే తత్వముండాలి గా..

మౌనంలోనూ మనల్ని అర్ధం చేసుకునే 

ఓ ప్రియ నేస్తం ఉండాలి కదా..

అందుకే ఎన్ని రాసినా నాకు సంతృప్తి లేదు..

ఏం చేసినా నాకు ఆ స్నేహ హస్తం రాదు..

**************************

written by BODDU MAHENDER

at 11:32pm 19.12.2012

దక్కవని తెలిసినా,

దక్కవని తెలిసినా, 

ఎందుకిలా దహించుకుపోతున్నాను..

నీవే నా లోకమని,

ప్రేమలో కుచించుకుపోతున్నాను..

ఆశలతో ఊహల్లో తేలియడుతున్నాను..

కలలతో కన్నీళ్ళని తుడిచి పారేస్తున్నాను..

**************************

written by BODDU MAHENDER

at 7:05pm 18.12.2012

ఈ హృదయానికి ఇక శాంతి లేదు..

ఈ హృదయానికి ఇక శాంతి లేదు..

నీవనే జీవన కాంతి లేదు..

బ్రతుకు అనే తీయని భ్రాంతి లేదు..

కార్చే కన్నీటి ధారలకి ఇక అంతు లేదు..

సంతోష పెట్టడంలో నీ వంతు లేదు..

ఇద్దరం ఏకమయ్యే తంతు లేనే లేదు..

గొంతు చించుకొని అరుస్తున్నా..

నా గోడు, నీ గుండె గుడిని చేరదు..

నిప్పుల కొలిమిలో వేసి దహిస్తున్నా..

నిన్ను  ప్రేమించే నా మనసు మాత్రం మారదు..

*********************************

written by BODDU MAHENDER

at 10:35am 18.12.2012

అర్ధం చేసుకోని మనసుకి,

అవగాహన లేని మనిషికి,

అనంతమైన నిధి నిక్షేపాలిచ్చినా వ్యర్ధమే..

అర్ధం చేసుకోని మనసుకి,

ఆత్మీయతానురాగాలు పంచినా వ్యర్ధమే..

సద్వినియోగం ఆ మూర్ఖుడికి రాదు..

సమ భాగస్వామ్యం ఈ మూఢుడికి తెలీదు..

అందుకే, 

అర్హతలేని వాళ్లని అందలమెక్కించవద్దనేది.

ఆశలు పెంచి అంతర్ధానమయ్యే వాళ్లకి,

అంతరంగాన చోటివ్వవద్దనేది.

ఊరించే మాటలకి ఉప్పొంగిపోవద్దనేది,

ఉలుకులేని ప్రాయానికి కులుకులు నేర్పి,  

ఇలా విరహంతో కుమిలిపోవద్దనేది.. 

*******************************

written by BODDU MAHENDER

at 11:21am 16.12.2012

నువ్వు వద్దన్నా..

వలచి వస్తే వద్దంటున్నావు..

వలపుల తేనే చేదంటున్నావు..

కన్నీటి కొలనులో నువ్వు సేద తీరుతూ..

కడగండ్ల ఎడారిలో నన్ను కాలిపో అంటున్నావు..

నీ భయమేమిటో,బాధెందుకో  నాకు తెలీదు..

కాని నా ఆశ ,శ్వాస అన్నీ నీవే అని తెలుసుకో..

నీ జతలో నిలిచే అదృష్టం నాది కాదేమో,

కానీ, నిను జన్మంతాఆరాధించే మనసు నాది..

అందుకే, నువ్వు వద్దన్నా..

నిను ప్రేమిస్తూనే ఉంటా..

నీ ఆశల సౌధాన్ని నేను నిర్మిస్తూనే ఉంటా..

*****************************

written by BODDU MAHENDER

at 12:45pm 21.5.2012

ఎప్పటిలా ఈ గుండె కొట్టుకోవట్లేదు..

అలవాటైనా ఆ వేదన తీరట్లేదు..

కన్నీటిలో జారి కనుమరుగవట్లేదు..

ఎప్పటిలా ఈ గుండె కొట్టుకోవట్లేదు..

ఎడారిలో ఓయాసిస్సు ఇప్పుడు కనబడట్లేదు..

****************************

కన్నీరు ఎవరికైనా ఒకటే

అది బాధ తీరుస్తుందో లేదో గానీ,

మన బాధని మౌనంగా చూపి,

సాటి వారి సానుభూతి కోరుతుంది.. 

***********************

written by BODDU MAHENDER

at 8:54pm 17.10.2012

ముక్కలైన గుండెకి ముచ్చటగా కుట్లేస్తూ..

తెలిసీ ఆశ పడుతూనే ఉన్నా..

తమాయించుకొని మరీ తపన పడుతూనే ఉన్నా..

ఇంకిన కన్నీళ్లు.. నీకిక ఏడుపే రాదు అంటుంటే..

చచ్చిన మనసు.. ఇక దేనికీ జడవనని చెబుతుంటే..

ముక్కలైన గుండెకి ముచ్చటగా కుట్లేస్తూ..

అంతిమ యాత్రకి అందమైన అలంకారాలు చేస్తూ..

కరిగే కలని క్షణమైనా పట్టుకోవాలని..

కసిరే మనిషిని నా కౌగిట చేర్చుకోవాలని..

****************************

written by BODDU MAHENDER

at 5:25pm 17.10.2012

ప్రేమా..నీ సవ్వడి ఆగిపోతుందా..

పగిలిన హృదయం అతుక్కుంటుందా 

పదిలమైన స్థానాన్ని వెతుక్కుంటుందా..?

కన్నీరు కళ్ళలోనే ఇంకిపోతుందా..

కవ్వించే నవ్వులకి మురిసిపోతుందా..?

ప్రేమా..నీ సవ్వడి ఇక ఆగిపోతుందా..

నా శ్వాసే నా నుండి వీడిపోతుందా...?

ఆశ.. ఇక లేదని ఏడిపిస్తుందా..

అంతమై పొమ్మని ఆజ్ఞాపిస్తుందా..?

మరణమైనా, దరి చేర్చుకొని ఓదారుస్తుందా..?

మరుజన్మనైనా నిను కలుపుతానని మాట ఇస్తుందా..?

********************************

written by  BODDU MAHENDER

at 12:35am 17.10.2012

మరుభూమిలో సేద తీరుతావనుకోలేదు....

దూర దేశాలకి వెళ్ళావనుకున్నా గానీ,

దూరమై పోతావనుకోలేదు..

కలలన్నీ మోసుకెళ్ళావనుకున్నా గానీ,

కన్నీటి చుక్కల్ని రాలుస్తావనుకోలేదు..

కూడబెట్టి పంపిస్తావనుకున్నా గానీ,

కూటికే లేక కృశించి పోతావనుకోలేదు..

మాతృభూమికి పేరు తెస్తావనుకున్నా గానీ,

మరుభూమిలో సేద తీరుతావనుకోలేదు..

వేకువ రేఖయి ఉంటావనుకున్నా గానీ,

వేగు చుక్కయి నిలుస్తావనుకోలేదు..

మా అందరినీ ఇలా అశ్రుధారలో

అభ్యంగ స్నానాల్ని  చేయిస్తావనుకోలేదు..

**************************

written by BODDU MAHENDER

at 7:22pm 26.9.2012