అంగీకరించక తప్పని నిజం..

అంగీకరించక తప్పని నిజం.. 

అంటువ్యాధిలా సోకిన యిజం.. 

కామం కళ్ళు మూసి వేసిన బీజం.. 

సౌఖ్యం సమస్తం అనుకునే ఫ్యాషనిజం..

ఇదే నిజం నిజం..అంగీకరించక తప్పని నిజం.. 

**********************************

written by BODDU MAHENDER

at 10:06pm 18.1.2013

కానీ నేను మారలేదు..

నాలోనేనేగా ఉంటే తెలియలేదు ఈ సమాజ పోకడ..

నాతో నీవని కలుపుకుంటే ఆగట్లేదు ..నా గుండె దడ..

ఏది నిజం..ఏది అబద్ధం..ఎందుకీ అసంబద్ధం..

మాట మాటలోనూ ఎన్నో మర్మాలు..

మనుగడ పేరుతో పాటించే ఆపద్ధర్మాలు.. 

సమయానికి, సంపాదనకి ఉన్న  విలువ,

మనిషికి, మానవత్వానికి లేదు..

నటనకి, నగ్నత్వానికి ఉన్న గుర్తింపు,

నా అనుకునే ప్రేమకి లేదు..

అవును..కాలం మారింది.. కాంక్ష మారింది..

కానీ నేను మారలేదు..నా తత్వం మారలేదు..

ఇప్పుడూ అలానే ఉన్నా..అందరిలో ఏకాకిలా..  

అస్తిత్వాన్ని నిలుపుకునే తుపాకిలా..

****************************

written by BODDU MAHENDER

at 10:55am 19.12.2012

ఏ ఒక్కరితోనూ ఆగదు ....

ఓ అల వెనుకే మరో అల..

అలా నిరంతరం సాగిపోయేలా

పొద్దు వెనుకే ఈ రాత్రి వేళ..

మన బ్రతుకు బండి నడిచేనలా..

ఏ ఒక్కరితోనూ ఆగదు ఈ పయనం..

ఎందాక సాగినా వీడదు ఈ సహజీవనం..

మాతృ ప్రేమ మమకారం అది..

మహాజనుల సంస్కారం అది..

తెలుసుకో..తెలివిగా నడుచుకో..

నీ అడుగుజాడల్నే పదుగురికి చూపుకో..

***************************

written by BODU MAHENDER

at 6:26pm 9.11.2012

చెప్పే సూక్తులన్నీ సమాజం కోసం..

సలహాలు అందరూ ఇస్తారు..

సాయం చేయడానికే ఎవరూ రారు..

మాటలు అందరూ చెప్తారు..

మనసారా తోడయ్యేందుకే ఎవరూ రారు..

చెప్పే సూక్తులన్నీ సమాజం కోసం..

చేసే పనులన్నీ స్వలాభం కోసం..

అనుబంధాలన్నీ ఆదరణ కోసం..

ఆత్మీయత పేరుతో నీపై ఆధిపత్యం కోసం..

***********************
written by BODDU MAHENDER

at 8:34am 18.10.2012

ఈనాటి ప్రేమ ఇది.....

ఒప్పందాల ప్రేమ ఇది

సంప్రదింపుల ప్రేమ ఇది

రాజీపడని ప్రేమ ఇది 

రాటుదేలిన ప్రేమ ఇది 

అవసరాలే ముఖ్యం 

ఆస్తిపాస్తులే ముఖ్యం 

అంతరంగం ఒక పుష్పక విమానం 

అడుగు అడుగుకొక ఆపద్ధర్మ ప్రమాణం 

నా అనేదంతా నేనేంటో చెప్పేందుకే,

నీకోసం అనేదంతా నిన్ను నే అణిచేందుకే..

ఎంతైనా ఇది ఈనాటి ప్రేమ ఇది,

ఇచ్చిపుచ్చుకోవడాలు తెలిసిన ప్రేమ ఇది..

*************************

written by BODDU MAHENDER

at 7:25am 18.9.2012

ఊహలే నా నేస్తాలు....

ఊహలెంత మంచివో కదా..

ఊరడించుతుంటవి కదా..

కలనైనా కానరాని కథలన్నీ ,

కళ్ళ ముందు నిలుపుతవి కదా..

మనసుపెట్టి చేసే పనులన్నీ,

మన అంచనాలని అందుకోకున్నా..

మైమరుపు తెచ్చే ఊహలెప్పుడూ

మనల్ని నీరుగార్చవు..నివ్వెర పర్చవు..కదా !

ఊహలే అని తీసిపారేయుట ఏలా..

ఆవిష్కరణలకివే పునాదులు..

సృజనాత్మకతకివే నిజ పాదులు.. 

ఆనందాన్ని అందించే అష్ట సిరులు..

అంబరాన్ని చేర్చే ఆలోచన ఝరులు..

అందుకే ఊహలే నా నేస్తాలు..

వాటి ఊసులే ఈ తత్వాలు..

*********************

written by ME

at 3:55pm 6.9.2012

వచ్చిందా..స్వాతంత్ర్యం వచ్చిందా..

వచ్చిందా..స్వాతంత్ర్యం వచ్చిందా..

సామాన్యుడి నడ్డి విరిచి 

స్వార్ధ నాయకుల కడుపు నింపిందా.. 

అవినీతి, బంధు ప్రీతి

అంతకంతకు పెరిగిపోయిందా..

అందరూ ఒకటేననే సమభావం 

అసలే లేకుండా తరిగిపోయిందా.. 

వచ్చిందా..స్వాతంత్ర్యం వచ్చిందా..

వివక్ష,విద్వేషాలని ఉసిగొల్పి 

వివిధ వర్గాలంటూ జాతిని వేరుచేసిందా.. 

విశ్వమానవ సౌభ్రాతృత్వానికి.. 

విపత్తుగా పరిణమించిందా.. 

వచ్చిందా..స్వాతంత్ర్యం వచ్చిందా..

అట్టడుగు ప్రజల అవసరాల్ని తీర్చిందా.. 

అష్ట సిరుల జనుల ఆదరణ పొందిందా.. 

వచ్చిందా..స్వాతంత్ర్యం వచ్చిందా..

***********************

written by ME

at 8:02pm 14.8.2012

నమ్మితేనే మంచి..

ఆకాశపు అంచుకి చేర్చినా, ]

అగాధపు లోతుకి పడవేసినా..

అది నీ నమ్మకమే..నీపై నీకు గల నమ్మకమే..

వ్యక్తిని ప్రేమించేలా చేసేనా..

దైవాన్ని పూజించేలా కోరినా..  

కేవలం నమ్మకం మాత్రమే..

వ్యవస్థని నిర్మింప చేసి...

వ్యవహారమై నిలిచిపోయేది..

మనసుతో చూసి..

మనిషిని మనిషితో కలిపేది..

మన నమ్మకం మాత్రమే..

నమ్మకం కారాదు ఎపుడూమూఢ నమ్మకం..

అలాగని పెంచుకోకూడదు అపనమ్మకం..

నమ్మితేనే మంచి..

నమ్మిస్తేనే నీకు మంచి..

*****************

written by ME

at 12pm 14.8.2012

సృజనశీలురదే అఖిల కీర్తి

సుప్రభాతం శుభోదయం పలికింది..

సూర్యతేజం కొత్త లోకం చూపింది..

ఆలోచన అమృతధారై పొంగింది..

ఆనందానికి ఆయువు పట్టయి నిలిచింది

సృజనాత్మకతే సృష్టి అందమని చెప్పింది..

సృజనశీలురదే అఖిల కీర్తి అని చాటింది.. 

**************************

written by BODDU MAHENDER

at 4:15am 22.7.2012

కళ్ళు పలికే భాష..

మాటల్లో చెప్పలేని బాధని..

మౌనంగా దాచలేని వ్యధని..

సైగల్లో చూపలేని అంతరంగాన్ని..

సాటి మనసు ఓదార్పుకై పడే ఆత్రాన్ని..

కళ్ళు పలికే భాషగా..

లోని క్షోభకి రూపుగా..

మన ఎదుట నిలిపేవి..కదిలేవి..

ఈ కన్నీళ్ళే కదా నేస్తం...

**********************

written by ME

at5:45pm 23.6.2012

నీవెంటో తెలిపేది......

నీ నవ్వు నీది కాదు..

నీ ఏడుపు నిజం కాదు..

కన్నీటికి విలువ లేదు..

కామించే మనసు ఊరుకోదు..

నీవెంటో తెలిపేది నీ అంతరాత్మ ఒకటే..

నీ గోడు వినేది ఆ అంతర్యామి ఒకడే..

*********************

written by ME

at 11:25am 22.6.2012

ఓ నీలి వర్ణమా.....

ముక్కంటి గొంతులో ముచ్చటగా ఒదిగి..
మరు రెండు రంగులతో  మురిపెంగా పొదిగి
హరివిల్లు రంగుల్ని అవనిలో ఒలికావే
ఆనంద రూపమై అనుభూతులు చిలికావే

ఆ నింగికే రంగద్దిన ఓ నీలి వర్ణమా
ఈ అంబుధిని చూపేటి కనికట్టు మర్మమా..
ఆ రామ , కృష్ణులైనా  వినీల వర్ణ మూర్తులే..
ఈ మహి మనుజులైనా ఓ నీల వేణికి ఆర్తులే

****************************

written by ME

at 6:10pm 5.6.2012

లోకం తీరు

ఎవరి పంతం వారిదే..

ఎవరి వాదం వారిదే..

తప్పులెరిగినా తలవంచరు..

తనకు మాలిన ధర్మం విస్మరించరు..

ఈ లోకం తీరు ఇంతేనోయి..

ఎవరికై ఎవరూ మారరోయి..

నీకై నీవే ఎదగవోయి..

నీ దారినే పదుగురికి చూపవోయి..

*******************

written by ME

at 9:30am 21.5.2012

కలలు

కలలే నీ నేస్తాలు..

కలలే నీ సోపానాలు..

కల్లలు చేయకు నీ గమ్యాలు..

కలలేన్నడూ రసరమ్యాలు..

****************

written by ME

at 8:30am 14.11.2011 

కలలు, ఊహలే మన జ్ఞానం ..

కలలు, ఊహలే మన జ్ఞానం ..

కలలు మనల్ని కదిలిస్తాయి ..

ఊహలు ముందుకు నడిపిస్తాయి 

కలే అని కొట్టిపారేస్తే ..,

కళాత్మకత ఉండదు 

ఊహే అని చిన్న చూపు చూస్తే 

సృజనాత్మకత కనిపించదు..

***********************

written by ME

at 2:17pm 1.2.2012