కానీ నేను మారలేదు..

నాలోనేనేగా ఉంటే తెలియలేదు ఈ సమాజ పోకడ..

నాతో నీవని కలుపుకుంటే ఆగట్లేదు ..నా గుండె దడ..

ఏది నిజం..ఏది అబద్ధం..ఎందుకీ అసంబద్ధం..

మాట మాటలోనూ ఎన్నో మర్మాలు..

మనుగడ పేరుతో పాటించే ఆపద్ధర్మాలు.. 

సమయానికి, సంపాదనకి ఉన్న  విలువ,

మనిషికి, మానవత్వానికి లేదు..

నటనకి, నగ్నత్వానికి ఉన్న గుర్తింపు,

నా అనుకునే ప్రేమకి లేదు..

అవును..కాలం మారింది.. కాంక్ష మారింది..

కానీ నేను మారలేదు..నా తత్వం మారలేదు..

ఇప్పుడూ అలానే ఉన్నా..అందరిలో ఏకాకిలా..  

అస్తిత్వాన్ని నిలుపుకునే తుపాకిలా..

****************************

written by BODDU MAHENDER

at 10:55am 19.12.2012