అపురూపమైన ఆ క్షణాలని మళ్ళీ మళ్ళీ ఏరుకోవాలని

గతిస్తే కానీ విలువ తెలియలేదు

స్మరిస్తే కానీ గుర్తు నిలవలేదు

ఈ యాంత్రిక వడివడి జీవితంలో 

స్థితిగతులనే ఎంచి చూస్తున్న తరుణంలో 

మలినమంటని నా మనసు ముత్యాన్ని 

మరలి రాని ఆ బాల్యపు సొగసుని 

ఆర్ధ్రంగా తడుముతూ, ఆత్మీయంగా పొదుగుతూ.. 

అపురూపమైన ఆ క్షణాలని 

మళ్ళీ మళ్ళీ ఏరుకోవాలని 

అన్వేషిస్తున్నా .. 

అంతులేని నా గమ్యాల వైపు.. 

అలసట తీర్చే ఆశల తీరాల వైపు.. 

అందమైన చిలిపి ఊహల వైపు.. 

అచ్చమైన నా పసితనపు జాడల వైపు ...

*****************************

written by BODDU MAHENDER

at 12:40am 14.7.2013