కళ కోసం..

ప్రతిభ ఉన్నా, 

పదుగురి గుర్తింపు లేనిదే రాణించదు.

ప్రాచుర్యం వచ్చినా,

దాని పదును తగ్గితే ఉనికిని సూచించదు.

ఇదీ ఒక రకమైన అస్తిత్వ పోరాటమే..

ఒక కళాకారుడి అనునిత్య ఆరాటమే..

డబ్బు కన్నా ఒక చిన్న మెచ్చుకోలు గొప్ప అనుకుంటాం..

స్వార్ధాన్ని విడిచి సంతృప్తినే కోరుకుంటాం.. 

కళ కోసం కలలు కనే జీవితం మనది ..

కళనే నమ్ముకొని ,అమ్ముకొని గడిపే జీవితం మనది ..

ఒక్క అవకాశమే ఆ ఆకాశాన్ని అయినా వంచుతుంది..

వంచన లేని శ్రమే మనల్ని ఆకాశం అంతకి పెంచుతుంది.. 

**********************************

written by BODDU MAHENDER

at 10:25am 4.1.2012