ఎప్పుడో నా పెళ్లి ఎప్పుడో..??

ఎప్పుడో నా పెళ్లి ఎప్పుడో..??

వరాల ఇంతి వధువుగా మారి

నాకు జతగా వచ్చేదెప్పుడో..

సుగుణాల రాశి సుకన్యగా మారి  

నా యెదలో సందడి చేసేదెప్పుడో..

ఊహలెన్నో ఉన్నాయి ఊసులుగా చెప్పేందుకు..

బాసలెన్నో ఉన్నాయి బాధ్యతగా నడిచేందుకు..

సఖియా.. నా సరిజోడుగా నువ్వచ్చేదెప్పుడే..

నా కలల వనంలో కాంతిరేఖగా నిలిచేదెప్పుడే..

ఊరూవాడా మారుమోగాలి మన పెళ్లి సంబరం..

సీతారాముల కళ్యాణాన్ని గుర్తుచేయాలి ఆ ఆడంబరం..

కానీ , ఇంతకీ నువ్వచ్చేదెప్పుడే..

ఈ కలల తెరలు చీల్చి కనుల ముందు నిల్చేదెప్పుడే..

కళ్యాణతిలకం దిద్దుకొని నాతో సప్తపది నడిచేదెప్పుడే..

మన మనసులనే మాంగళ్యం చేసి నీకు ముడి వేసేదెప్పుడే..

**********************************

written by BODDU MAHENDER

at 12:52pm 26.11.2012