ఒకే ఒక విజయం..

ఒకే ఒక విజయం..
నను ఊరిస్తోంది..
ఉసూరుమనిపిస్తోంది..
కవ్విస్తోంది..
కంట తడి పెట్టిస్తోంది..
చీకటిలా పులుముకొని,
నను చిత్రవధ చేస్తోంది..
రేపటినే నేనంటూ...
కొత్త ఆశలు రేపుతూ ఉంది..
ప్రేమ ,అనుబంధం ,అంతస్తు ,హోదా...
అన్నీ ముడి పడ్డ విజయం అది..
నను సంతోషం లో ముంచే విజయం అది ..
కాని , అది లేక , నే చేరుకోలేక ,
నలుగుతున్న నా హృదయ క్షోభ
ఎవరికి తెలుసు ...???
అయినా పట్టు విడవను.. వెన్ను చూపను..
చీత్కారాలు పొందిన చోటే,
సత్కారాలు పొందాలి..
చిన్నచూపు చుసిన వాడే,
నా ముందుచూపుకి ఈర్ష్య పడాలి ..
అది సాధిస్తా ..
అవును , నేను సాధిస్తా..
సాధించి మీ అందరికి చూపిస్తా..
మిమ్మల్నే నా అనుచరులుగా మారుస్తా..
***********************
written by Me
at 10:59am 23.2.2012.

***********************
ఈ కవిత సూర్య దిన పత్రిక ఆదివారం సంచికలో ,
మార్చి 4,2012 నాడు ప్రచురితమైనది..