మళ్ళీ మళ్ళీ ఓడిపోయా ..

కండ్ల  ముందే ,
కలలన్నీ  మాయమవుతున్నాయి ..
ఆశలన్నీ  అడుగంటి పోతున్నాయి ..
కన్నీటి  కాల్వలు  విస్తరించిపోయి ..
కార్చే  నా  కన్నులను  చూసి  వెక్కిరిస్తున్నాయి ...

స్నేహాల  హేళనలు ,
మళ్లీ  వినవస్తున్నాయి ..
అవమానాల  మేళాలు ..
మళ్ళీ  శృతి  కలిపాయి ..
వేదన ,రోదన  వెంటపడి  తరుముతున్నాయి ...
నిరాశ   నను  కప్పేందుకు ,
పరుగు  పరుగున  వస్తోంది ..
నీ  ఆశ  చచ్చిందని..
  చెప్పకనే  చెప్పడానికి ..
నీ  బ్రతుకింతే  అని ,
ఎగతాళి  చేయడానికి ..


మళ్ళీ  ఓడిపోయా ..
మళ్ళీ ..మళ్ళీ  ఓడిపోయా ...
ఒక  గుడ్డి  దీపపు  వెలుగులో ,
లోకాన్ని  చుడదామని  ప్రయత్నించి ..
ఓడిపోయా ..
నా  నడకలో  వెలుతురు  తోదవుతుందని ,
భ్రమించి ,ఓడిపోయా ..
రేపు  అనేది  వచ్చినా ,
మబ్బు  కమ్మి  మసక  తొలగలేదు ..
రాత్రి  వేళ  పట్టిన  గ్రహణం ,
నేడు  అమావాస్య  అయి  జాబిలిని  విడువలేదు ...
అందుకే ...
మళ్ళీ  ఓడిపోయా ..
మళ్ళీ  మళ్ళీ  ఓడిపోయా ..

జీవిత  గమనం  లో ,
నడవ  లేక , నా  తోడు  లేక ..
కలిసిరాక , కాలం  కుదరక ..
నిలువునా  నేను  కుప్ప  కూలా ...
నిర్జీవుడిగా  ఎక్కడో ,
ఓ  కటిక  చీకటిలో  ఒంటరిగా మిగిలా ..
*********************************
written by ME,
at 5:25am 21.12.2011
******************************
Gone-flitted away..
Taken the stars from the night and the sun from the day..
Gone, and a cloud in my Heart..