అమ్మ ఋణం ..

అమ్మా ...
ఆ  దేవుడు  యే  ధ్యాసన ,
నిను  సృష్టించాడో  గాని ,
ఆ  దేవున్నే   మించినావమ్మా ....
ఆ  బ్రహ్మయ్య  యే  ముహూర్తాన ,
నను  కరునించాడో  గాని ,
నీ  కడుపున  జన్మించినానమ్మా ..

కాలే  కడుపుల  జీవితంలో ,
ఉపవాసాలే  ఎక్కువ ,
నీళ్ళు ,కన్నీళ్ళతో  గడిపే  రోజులే  ఎక్కువ ..
కాని  నేనున్నానని ,
నీ  కడుపులో  పిండంగా  ఎదుగుతున్నానని  ,
నా  ఆకలైనా  తీర్చాలని ,
ఓ  ముద్దైనా  పెట్టాలని ,
కణ  కణ  మండే  ఎండల్లో  పనికెల్లావే ,
నిప్పుల  కొలిమిల్లో  కూలి  చేసావే ,
పైన  నువ్  మాడిపోతున్నా ,
లోన  ఉన్న  నాకు  రక్ష  చుట్టావే ,
అమ్మా ...

ఏమిచ్చి  నీ  ఋణం  తీర్చుకోనూ ...
నీకేం  చేసి , ఈ  జన్మ  సార్థకం  చేసుకోనూ ..

నీ  ఉరుకులు ,పరుగులు  నన్ను  మింగేస్తాయని ,
నీ  పస్తులు ,బాధలు  నాకు  హాని  చేస్తాయని ,
నువ్వు  పడ్డ  తపన ,వేదన 
నాకు  తెలుసమ్మా ..
నీ  నరకం  చూసి , 
లోన  నేను  కన్నీరు  కార్చానమ్మా ...
అభిమన్యుడి  అంతటోడిని  కాకపోయినా ...
నీ  అణువణువుని  పంచుకొని  పెరిగినవాన్ని ,
నాకు  తెలుసమ్మా ...
ఈ  నవమాసాల  భారం ,
కుంగి  పోయిన  నీ  శరీరం ..
నొప్పులతో  నువ్వు  ఏడుస్తుంటే ,
లోన  నేను  నవ్వుతున్నానమ్మా ..
ఈ ప్రపంచాన్ని  చూస్తానని  కాదు ..
నా  అమ్మ  రూపాన్ని  కనులార  చూస్తానని ..
పుట్టిన  నన్ను  చూసి , నువ్  నవ్వుతుంటే ,
నీ  కష్టం  తెలిసిన  నేను  ఎడుస్తున్నానమ్మా ..
ఈ  వెలుగుని  తట్టుకోలేక  కాదు ..
నీ  త్యాగాన్ని  మరువలేక ,
నా  కన్నీళ్ళతో   నీ  కాళ్ళు  కడుగాలని ,
కడుపార  ఎడుస్తున్నానమ్మా ..
నను  కన్నా  మా  యమ్మా ..


అమ్మా .. ఏమిచ్చి  నీ  ఋణం  తీర్చుకోనూ ..
నీకేం  చేసి  ఈ  జన్మ  సార్ధకం  చేసుకోనూ ...


ఎన్ని    జన్మల   సేవ   చేసినా  తీరదు  నీ  ఋణం ..
అమ్మ ని  మరిచిపోతే , అంతకన్నా  లేదు  దారుణం ..
**********************************
written by ME
at 1:22am, 18.11.2011
completed at mrng 8am

**********************************
Mother is the biggest god,
to all human being..
Believe it or not, 
she is the real queen,
she protect her child and not mean.