నేను నేనుగా ఎదిగేందుకే ఈ తాపత్రయం
నన్ను నన్నుగా చూపేందుకే నా కూతూహలం
కళ్ళు తడి అవుతున్నా కాళ్ళు ఆగడం లేదు
ఒళ్ళు హూనమవుతున్నా దారి విడవడం లేదు
ఆందోళన వేధిస్తున్నా,
ఆశల పల్లకిలో ఊరడిల్లుతూ ఉన్నా...
అవమానాలెదురవుతున్నా,
ఆశయాల పల్లవినే పాడుతూ ఉన్నా...
విజయం చేరే వరకేగా ఈ వెక్కిరింతలు
విజయుడైన నాడు, అవే వేనోళ్ళ పొగడ్తలు..
ఈ కాలపరీక్షలో, నేనో
కఠిన హృదయుడిగా మారిపోతున్నా..
కల్మషం లేని ఓ జతకై ఇంకా పసివాడిగానే ఉన్నా..
కలలలోకమని నిత్యం పరుగులిడుతున్నా..
ఓ కాంత చెంత నిశ్చలమైపోవాలని నిశ్చయమైయున్నా..
************************************
written by BODDU MAHENDER
at 12:50pm, 30.11.2013
No comments:
Post a Comment