మీ మనసు చేరలేదేం..??

ఎందుకు నేనెవరికీ నచ్చట్లేదు..

నా మనసెవరికీ అర్ధమవట్లేదు..

నిజాలు పలికితే నిష్ఠూరమాడుతారు..

నిష్కల్మషంగా మెలిగితే నడ్డి విరిచిపోతారు..

నా కళ్ళకి తడి , గుండెకి అలజడి 

కోరుకున్నదాని కోసం, నే పడే హడావిడి

ఏ ఒక్కటైనా.. ఈ రోజుకీ తగ్గలేదేం..??

నా మౌనంలో మాట మీ మనసు చేరలేదేం..??

మీ వెక్కిరింతలు, ఈసడింపులు నాకేం కొత్త కాకపోయినా,

ప్రేమ పలకరింపులు, దాని కలవరింతలు కావాలని,

నా గుండె చేసే ఘోషని ఒక్కసారైనా కనలేరా..?

కరుణించి మీ దరికి చేర్చుకోలేరా..?

ఓ క్షణమైనా నాకు బాసటగా నిలవలేరా..??

*******************************

written by BODDU MHENDER

at 3:15pm 11.12.2012